Shërbimi meteorologjik Ushtarak njofton se ditën e hënë moti parashikohet me kthjellime si dhe alternime vranësirash hera-herës të dendura ndërsa në zonën e veriperëndimit dhe jugperëndimit në momentin e zhvillimit të vranësirave do të ketë reshje shiu të herëpashershme me intensitet të ulët dhe shtrëngata lokale.
SHMU informon se për ditën e martë parashikohet një përmirësim i lehtë i kushteve meteorologjike pasi moti parashikohet me alternime kthjellimesh e vranësirash dhe në orët e para të mëngjesit në zonën e veriperëndimit reshje shiu të herëpashershme me intensitet të ulët dhe shtrëngata lokale.
Sipas informacionit për ditët e mbetura të javës moti parashikohet me kthjellime e alternime vranësirash hera-herës deri të dendura por vranësirat do të jenë më të pakta dhe mot kryesisht i kthjellët për ditën e enjte dhe atë të premte. /sarandacity.al/
