Kryebashkiakja e Delvinës, znj. Qilimi, është shfaqur entuziaste për praninë në qytetin e saj të disa vizitorëve të huaj, të cilët i ka tërhequr lagja e quajtur Xhermëhallë, por që ajo preferon ta quajë me emrin e dëshmores Lejla Malo, një lapidar i së cilës ndodhet afër kalasë në majë.
“Vizitorë në lagjen ‘Lejla Malo’,atje ku natyra fal paqe dhe njerëzit bujari.
Ne rrugëtimin drejt kalasë së qytetit që ndodhet pikërisht në këte lagje,nuk mund të mos shkosh e të ndalesh tek kroi shekullor për të vijuar më tej,në ndalesën e radhes,te Kompleksi Islamik,ndër më të vjetrit në Shqipëri.
Si të mos mjaftonin të gjitha keto, çdokush mund të provojë mikpritjen e banorëve të kësaj lagjeje,shtëpitë e të cilëve shkëlqejnë nga pastertia e ku ndeshesh gjithandej me shumëllojshmërinë e luleve të mbjella në oborr dhe drurët frutorë të kultivuar në kopshtet përreth shtëpive.
Meriton vemendje dhe kujdes nga të gjithë ky mjedis magjik,për t’u shndërruar plotësisht në atraksion turistik”. Shkruan qytetarja e parë e Delvinës. /sarandacity.al/
