Sarandë – Delvinë, një risi pas vijëzimeve: reale apo psikologjike?

Krahas vizimeve të rrugës, aksi Sarandë – Delvinë ka për herë të parë tabela paralajmëruese mbi ekzistencën e radarëve të policisë në funksion të “vetëfrenimit” nga ana e njerëzve në timon.

Këto tabela janë vënë në nisje aksit të drejtë nga Qafa e Gjinos drejt ish-Pularisë, në Shijan, si dhe në Stjar.

Vjen ky zhvillim në një kohë me lajme të këqija prej aksidenteve të shumta rrugore në vend, me gati bilanc luftë në jetëhumbje. Megjithatë, aksi Sarandë – Delvinë nuk ka shënuar aksidente me pasoja tragjike.

Ajo që mbetet pikëpyetje nga tabelat radarparalajmëruese është nëse ato janë për efekt real, pra se do ndodhë vërtet të të zë radari i ndonjë patrulle policie të stacionuar diku, apo se është për thjesht efekt psikologjik te drejtuesit e automjeteve që të vetëfrenohen.

Kujtojmë se në sezonin e vitin e ardhshëm, një pjesë e kësaj rruge, nga Shijani në Gajdar, do testohet si pasojë e fluksit të madh të automjeteve që do vejnë e vijnë nga rruga e re e Kardhiqit. /sarandacity.al/