Çështja “Berisha”, një mesazh i sikletshëm amerikan për Bashën

SHBA lanë të kuptuar se nuk duan ta shohin më në parlament ish-kreun historik të PD-së, pra Berishën, pas shpalljes së tij “non grata”.

Mesazhi u përcoll nga amabasadorja Yuri Kim pas një vizitë në selinë blu, duke e thënë këtë me shprehjen metaforike të të “ngrënit bar”.

“Dhe sikurse e kam thënë, PD ka luajtur një rol të pazëvendësueshëm për ta nxjerrë vendin nga komunizmi, dhe në fakt do ishte ironi historike nëse partia do duhet të hante bar për një deputet të saj.

Uroj që partia të ecë para, që bashkëpunimi të ecë para se e ardhmja është të ecim.

Prandaj ka vendime të vështira për t’u marrë, por shpresoj të kenë mundësi të shplodhen gjatë gushtit e të vijnë me mendime të qarta”, ishte ajo çfarë përcolli për mediat Yuri Kim. /sarandacity.al/