Në hyrje të xhamisë së njohur të Gjin Aleksit në Rusan të Delvinës, është lënë një shënim – këshillë për të mos ndezur qirinj aty, me arsyetimin e dëmtimit të mbishkrimeve të vjetra.
Në fakt është diç më tepër se kaq. Para restaurimit, aty ndizeshin shumë qirinj, përgjithësisht nga banorë të atyshëm të paqartë në llojin e besimit, ku në finale nuk e dinin që në besimin islam të cilit i përket xhamia, qirinjtë nuk bëjnë pjesë në rituale.
Ndaj, tani në kushte të një xhamie të restauruar, ku mbahen dhe ritualet e njohura islame, siç janë 5 faljet ditore, po bëhen përpjekje që për t’i vënë fre diçkaje, mbetur si zakon, e cila kompromentonte profilin e qartë të xhamisë. /sarandacity.al/
