Postmortum nga Parku i Butrintit: Ky ishte Kosta Lako…

Dy ditë pas ikjes nga kjo botë, Parku i Butrintit ofron atë çfarë ishte e gjithë karriera e arkeologut sarandiot Kosta Lako.

Lamtumirë Kosta Lako!

U prehsh në paqe!

Kosta Lako lindi më 22 dhjetor 1949 në qytetin e Sarandës. Pasi mbaroi shkollën e mesme me rezultate të shkëlqyera, në vitin 1967 filloi studimet në Fakultetin Histori- Gjeografi në Tiranë, ku i mbaroi në viti 1971.

Në janar 1972 fillon punën si mësues në shkollën e mesme “Hasan Tahsini” të qytetit të Sarandës. Tetor 1975 fillon punën në Muzeun Historik të rrethit. Më 1976 me krijimin e Bërthamës Arkeologjike të rrethit , kalon arkeolog.

Në vitet 1975-1976 drejton gërmimet arkeologjike në Butrint, sektori C.

Që nga viti 1976 drejton punimet pa ndërprerje në qendra të ndryshme arkeologjike si: Butrint, Sarandë, Delvinë, Finiq, Shën Jani, Bajkaj etj.

Janar 1981 deri në vitin 1995, emërohet bashkëpuntor shkencor dhe përgjegjës i Bërthamës Arkeologjike Sarandë.

Ka mbrojtur disertacionin për gradën doktor shkencash me temë, “Qyteti i Onhezmit në antikitetin e Vonë”.

Gjatë viteve 1991-1993 ka qënë anëtar i stafit të ekspeditës së përbashkët shqiptaro-greke të zhvilluar në Butrint.

 Gjatë viteve 1998-2002 ka qënë bashkëdrejtues i Ekspeditës shqiptaro-britanike në Butrint,  ka drejtuar gërmimet në Pallatin e Trikonkës Butrint.

Gjatë viteve 2003-2006 ka qënë bashkëdrejtues i Projektit të përbashkët shqiptaro-izraelit në gërmimet dhe studimin e plot të Bazilikës-Sinagogës në Sarandë. Këto gërmime ishin nisur prej Tij që në vitin 1980.

 Nga viti 2001 është bashkëpuntor në Projektin e ndërmarrë nga Departamenti i Antikitetit të Vonë dhe Mesjetës, “Ndërtimet e Kultit Kristian në Shqipërinë Jugore gjatë periudhës Paleokristiane dhe Bizantine”.

Ka qënë bashkëdrejtues i stafit për gërmimet dhe studimin e Bazilikës së Shën Janit dhe Manastirin e 40 Shenjtorëve.

 Gjatë viteve 1997 si shumë intelektuale emigroi në Greqi ku punoi në Muzeun Arkeologjik të Akropolit deri në vitin 2017 ku doli në pension.

 Ka botuar shumë artikuj shkencor brenda dhe jashtë vendit, ku ka pasqyruar me nivel  shkencor punën dhe zbulimet e Tij në gërmime. /sarandacity.al/