Butrinti ka udhëtuar drejt Peshkopisë për ndeshjen e radhës në kuadër të Kampionatit, Kategoria e Parë. E kjo ndodh pas 34 vitesh, jo si takim por si largësi udhëtimi.
Takimi i fundit ku sarandiotët shkonin në Verilindjen e largët, ishte sezoni ‘86 – ’87, në atë kohë, të dy ekipet në kategorinë e dytë, pasi Superliga e sotme quhet Kategoria e Parë.
Më vonë do të ndodhte ndarja në dy grupe e të Dytës, sot e Para, gjë që nuk i detyronte ekipet në ekstremet gjeografike të bënin gati tre ditë rrugë për te kundërshtari.
Për vite të tëra kjo ka qenë strapacuese, pasi nuk ishin as rrugët e sotme dhe as autobusët e sotëm.
Në sezonin ’86 – ’87 ishin 16 skuadra në Kategorinë e Dytë.
Korabi atëherë ishte në vendin e 4-ët me 34 pikë dhe Butrinti një vend më poshtë me 30 pikë. /sarandacity.al/
