Bëhet publike vizita e rrallë këtë verë në Butrint: emrat e famshëm që erdhën me këtë jaht

Aktivisti dhe studiuesi Auron Tare, ish-drejtori më jetëgjatë i Butrintit e njëherësh ish-kreu i Agjencisë së Bregdetit, zbuloi dje atë që në fakt Sarandacity e dinte prej javësh, vizitën e Ivanka Trump-it dhe bashkëshortit të saj Jared Kushnder në Sarandë, më saktë në Butrint. Ajo ishte dhe me të tjerë familjarë të saj, ku bashkë me ta qe dhe presidenti nga Katari i PSG, miliarderi Naser al Khelaifi.

Këtë, Tare e zbuloi dhe në Opinion, gjatë një emisioni mbi turizmin e këtij viti, duke ofruar dhe fotot përkatëse të kësaj vizite të rrallë anëve tona.

Siç sqaroi Tare, ata erdhën në Shqipëri me rrugë ajrore, në Rinas, por shumë pak bën rrugë tokësore, duke zgjedhur rrugën detare me jaht, si dhe helikopterin, për të vizituar nga ajri disa treva malore të Jugut.

Sarandacity posedon pamje nga jahti me të cilin ata vizituan bregdetin e Jonit, ku ndodheshin në Porto Palermo, pra në detin e Himarës, e më pas kur fluturuan me helikopter drejt Përmetit. /sarandacity.al/      

https://youtu.be/Mr5bHYYuLoQ