Në vërtet kemi plazhe të bukura, edhe me famë ndërkombëtare deri diku, por kemi ende mangësi në servirjen e më shumë mrekullive, sidomos të atyre që gjenden nën ujë.
Kështu, prej vitesh ekziston projekti i një muzeu nënujor në Ksamil, në anije të mbytura, por që nuk është bërë realitet.
Dhe ja si zhfrytëzohen gjetkë mrekullitë nënujore:
Së fundi, instruktorë zhytjeje shijuan eksplorimin e botës nënujore në destinacionin turistik të Kusadasi në provincën turke të Ajdinit.
Kjo zonë është një parajsë e vërtetë për zhytësit profesionistë, por edhe për ata që nuk janë zhytur kurrë dhe kanë dëshirë të shohin bukuritë e botës nënujore.
Gjiret dhe shpellat, si dhe ekosistemi specifik, tërheqin çdo vit një numër të madh turistësh në këtë zonë, të cilët i përfundojnë pushimet duke u zhytur. /sarandacity.al/
