Ngjan si shaka: zbulohet një agjente greke në Shqipëri…

Nuk dihet se ç’përfaqëson ankronimi K.P.T., nga i cili, në rrjetet sociale, është zbuluar një agjente greke, njëherësh duke u kërkuar të shpallet “non grata”.

Bëhet fjalë për aktivisten Evi Kokalari edhe me mbiemrin tjetër grek – Angjelakis, e cila u shfaq së fundi krah Berishës e kundër Bashës.

Me banim në SHBA, ajo është ndërfytur me komentet e saj në zhvillimet politike shqiptare, ndërkohë që ditë më parë drekoi dhe me ambasadoren Yuri Kim.

Çështja është se kërkesën që ajo të shpallet “non grata” e ka postuar dhe Aleanca për Teatrin, një grupim me shumë pikëpyetje për llojin e sjelljes publike.

“EVI KOKALARI – ANGJELAKIS TË ZBOHET NGA SHQIPËRIA.

 Të shpallet Non Grata në politikën shqiptare dora tinzare e Grenellit.

Lobi grek në Amerikë dhe Grenelli që donte të shqyente Kosovën, duke shfrytëzuar influencën në Partinë Republikane kërkojnë të kapin krahët e politikës në Shqipëri.

Nëpërmjet gruas së një greku Evi Kokalari-Angelakis po përpiqen të hyjnë në luftën karieriste brenda PD. Njeriu me të përshtatshëm për të diversionuar kanë gjetur një shqiptare, që kërkojne ta nxjerrin në krye të forcës më të madhe opozitare në Shqipëri dhe mundësisht për të kapur kreun e Qeverisë.

Lobet greke dhe serbe shpenzojnë miliona për qëllime revanshiste dhe ka dyshime të arsyeshme se Evi Angelakis është sjellë për këtë qëllim.

Kësisoj Sali Berisha si i mbytur kapur pas fijes se kashtës po i ndjell një tjetër katastrofë popullit shqiptar. Viti 97 nuk është asgjë para kapjes së partive politike kryesore nga lobet greko-serbe.

Evi Kokalari-Angelakis duhet zbuar nga Shqipëria dhe të shpallet Non Grata nga politika.

Në këtë foto Evi Kokalari -Angelakis me Grenellin që donte ta shqyente Kosovën.

Ca po thonë e ka ndarë grekun. Nuk më intereson kë merr e ndan një njeri që trazohet në politikë. Problemi është me kë ndan mendimet e ku i ka qellimët kjo grenellja”, shkruhet nga K.P.T. /sarandacity.al/