Një koiçidencë interesante pati këtë të mërkurë në zonë. Dy ambasadorë, ajo greke e ai turk, udhëtuan në një kohë drejt Jugut, e para për një vizitë në Finiq dhe i dyti për një vizitë në Konispol.
Duhet theksuar se vitet e fundit, Bashkia çame është marrë nën përkujdesjen e turqve, ku vec ndihmave të shumta ka hapur aty kurse të gjuhës turke, si dhe dërgon për studime në Turqi të rinj të atyshëm.
Për të gjitha këto, ambasadori turk falenderohet nga kryebashkiaku i Konispolit.
“Pata nderin dhe kënaqësinë të prisja në Bashki Ambasadorin e Turqisë z.Murat Ahmet Yörük me ekipin e tij si dhe presidentin e fondacionit Alsar, z.Mehdi Gurra.
Shpreha falenderimin ndaj qeverisë turke, Bashkisë Afyon si dhe fondacionit Alsar për mbështetjen deri tani në infrastrukturën shkollore, shëndetësore dhe të pastrimit publik”, shkruan i pari i zonës, Shuaip Beqiri. /sarandacity.al/
