Edhe Rruga 2, me gjasë do jetë si Rruga 3. Së paku kjo pasqyrohet në pamjet më të fundit të shpërndara nga Bashkia, referuar atyre nga Fondi Shqiptar i Zhvillimit, të cilat shoqërojnë njoftimin për një konsultim publik.
“Njoftim Konsultim me Publikun
Fondi Shqiptar i Zhvillimit dhe Bashkia Sarandë në kuadër të ‘Programit për Zhvillimin e Integruar Urban dhe Turizmin’, me financim nga Banka Boterore, organizojnë Diskutimin me Publikun për ‘Projekte të Detajuara për Përmirësimin Urban të Integruar dhe Portën Turistike Sarandë’.
Në këtë kuadër, Fondi Shqiptar i Zhvillimit mirëpret grupet e interesit ditën e martë, më datë 19 tetor, 2021 ora 14:00, pranë Bashkisë Sarandë.
Takimi do të përqëndrohet në prezantimin nga konsulenca/projektuesi dhe specialistë të FSHZH-së të: ‘Projekt ide paraprake, udhëzime dhe llogaritjet paraprake për projektet e zgjedhura për investim’”.
Dhe, referuar pamjeve, duket se Rrugën 2 e pret ky shndërrim, ku pikëpyetja më e madhe është nëse do jetë vetëm pedonale apo edhe për automjete.
Sido që të jetë, për trafikin s’është lajm i mirë. Për estetikën urbane të qytetit sigurisht që po.
Ndërkohë, edhe te Rrapi te “9 Tetori”, pritet të ketë një shndërrim të përmisuar urban. /sarandacity.al/
