Arbjas Kreci, i riu që u godit nga një automjet mbrëmjen e së martës në Qafë Gjashtë, nuk ka humbur asnjërën prej këmbëve. Ai është dëmtuar por jo deri në këputje, siç është raportuar deri më tani.
Janë familjarë të tij, të cilët po ndjekin nga afër ecurinë e trajtimit të 29-vjeçarit në një prej spitaleve turke në Tiranë, të cilët konfirmojnë mosekzistimin e një pasojë të tillë të rëndë te gjymtyrët e njeriut të tyre.
Tashmë ai po bëhet gati për një trajtim më të specializuar në Turqi, nën ndjenjën se më e keqja ka kaluar. /sarandacity.al/
