Reshje të dendura shiu, stuhi ere dhe dëbore ka përfshirë vendin fqinj, Greqinë. Moti i keq ka përfshirë Trikalanë ku janë shënuar edhe reshjet e para të dëborës.
Reshjet kanë përfshirë edhe qytetin e Patras me erëra të forta dhe reshje shiu që kanë shkaktuar përmbytje nga njëri skaj në tjetrin me makinat që janë kthyer në varka dhe rrugët në liqene. Rio, Marina, Plaza dhe Akti Dymaion ishin zonat që “u fundosën” nga ujërat e detit që dolën në tokë.
Tornado ka goditur mesditën e fshatit bregdetar Kastrosikia në Prevezë. Pemët u shkulën, ndërsa banesa dhe biznese u dëmtuan rëndë. Pllakat dhe oxhaqet ranë nga çatitë, xhamat u thyen, ndërsa pemët u shkulën nga erërat e forta në plazhin e Kastrosikias.
Në rrugën Nacionale Igumenicë-Prevezë, në lartësinë e Kastrosikisë, qarkullimi është ndërprerë për një kohë të gjatë për shkak të rënies së pemëve.
Situata në Perëndim konsiderohet tragjike. Akaia, nga përmbytjet dhe vërshimi i Kalogrias. Pas Ilisë dhe përmbytjeve në Kampos dhe Vuprasia, problemi kalon në zonën fqinje. Dëmet janë të mëdha në të mbjella, shtëpi, magazina, dyqane. /sarandacity.al/
