Presidenti Meta përcolli trishtim për ndarjen nga jeta të Qani Sadiku, një legjendë e antikomunizmit dhe vuajtjes komuniste nga Markati, Ai vuajti 20 vite në kampet dhe burgjet e regjimit komunist.
“Me trishtim të madh mësova largimin nga jeta të Qani Sadikut.
Ka qenë privilegj ta njoh nga afër këtë simbol të rezistencës heroike kundër diktaturës komuniste, dëshmi e shpirtit të pamposhtur dhe sakrificës në mbrojtje të idealit të shqiptarëve për liri, demokraci, shtetit të së drejtës dhe dinjitetit njerëzor.
Me forcën e karakterit dhe burrërinë e pashoq, ai përballoi terrorin më të egër duke na frymëzuar të gjithëve me shembullin e tij të rezistencës ndaj autoritarizmit dhe çdo forme dhune, që cënon liritë dhe të drejtat e njeriut.
Ngushëllimet më të ndjera familjes Sadiku dhe komunitetit të ish-të përndjekurve politikë!
Të prehet në paqen e merituar!”shkruan Meta në postimin e tij, duke e shoqëruar me publikimin e fotos kur e ka dekoruar. /sarandacity.al/
