Media greke: jeta e tepelenasit Tockel”

Protothema i ka kushtuar një shkrim një këngëtari me origjinë nga Tepelena, i cili ishte në qendër të sherri të ndodhur në një klub në Patra. Fjala është për Claudio Despo ose “Tockel”, siç e njohin të gjithë.

Eksperiencat e errëta, ku dominon një baba i dhunshëm, janë pjesë e profilit që i ka bërë media e njohur greke.

Për të thuhet se mbërriti në Greqi në moshën 9-muajshe, 25 vjet më parë, në krahët e dy prindërve që emigruan nga Tepelena në Greqi.

Për momentin. kënga e tij “Biznes” ka arritur në 10 milionë shikime, ndërsa në vitin 2019 ishte e treta ndër dhjetë videoklipet më të njohura në YouTube.

Gjatë fëmijërisë së tij, në moshën 4-5 vjeç, ai ishte dëshmitar i rrahjes së nënës së tij nga i ati, i cili luante bixhoz, ku harxhonte paratë që fitonte nga puna që bënte, kryesisht hidraulike, elektrike dhe riparime shtëpish e ndërtesash.

Pjesa më e madhe e teksteve të këngëve të shqiptarit të lindur në Tepelenë janë nga eksperienca personale, ndërsa siç është shprehur herë pas here “krijimet e mia u drejtohen atyre që i detyroi jeta, por në fund ia dolën”.

Babai i tij u largua nga shtëpia kur ishte rreth 9 vjeç dhe krijoi familje me një grua tjetër në Shqipëri. Më pas Klaudio i vogël filloi të punonte dhe të ndihmonte nënën e tij. Mbaroi shkollën me një mijë mundime por vetëm Gjimnazin.

Ai filloi të merrej me muzikë që në klasën e 6-të. Nga viti 2008 ai filloi dalëngadalë të shkruante dhe publikonte këngët e tij, por suksesi erdhi pas 11 vitesh, në vitin 2019.

Deri atëherë Claudio kishte realizuar 6 albume të cilat nuk patën një ndikim të madh në publik dhe nuk i dhanë paratë e nevojshme për të jetuar, shkruan ndër të tjera Protothema. /sarandacity.al/