Romina Pulaj, e arrestuara e bujshme e këtoditshme në Sarandë, 31-vjecarja që mbante postin e drejtimit të IKMT-së lokale, u la në burg në një dhënie mase në Gjykatën e Sarandës.
Kryeinspektore e Inspektoriatit Vendor të Mbrojtjes së Territorit pranë Bashkisë Sarandë, ajo akuzohet për “Shpërdorim detyre” në rastin e një pallati 7-katësh, pronar i së cilës është Pando Papuçiu. Një urdhërarresti ka dhe për këtë të fundit, e që për këtë arsye është në kërkim.
“Arrest me burg” për zyrtaren Pulaj u kërkua nga prokurori Kledian Llaho, masë kjo e dhënë edhe nga gjyqtari Shkëlzen Licaj.
Por dyshja e avokatëve mbrojtjës Gjergji Imeraj dhe Agron Gurëbardha e cilësuan këtë vendim të padrejtë.
Duke argumentuar pafajësinë e znj. Pulaj, ata kaluan në një plan tjerër në kontestimin e tyre.
“Nëse duan t’i zënë vendin e punës është tjetër gjë. Ne kërkuam detyrim paraqitje, por edhe ajo ishte e tepërt apo sigurim financiar”, tha dyshja mbrojtëse.
Vetë znj. Pulaj nuk ka pranuar asnjë nga akuzat, duke pohuar se ka ndërhyrë pranë subjektit kur ka pasur shkelje. /sarandacity.al/
