Projekti “100 fshatrat” zbulon faktin: ku tentohet kanabisi në jug të vendit

Nga Fondi Shqiptar i Zhvillimit është publiuar lista me bashkitë fituese për grante në kuadër të projekteve të “100 fshatrave”, ku nga Jugu vetëm Dropulli minoritar ka fituar.

Interesante është se në shpjegim i mëshohet fort faktorit kanabis, si zonë me risk të lartë kultivimi që ekziston aty.

Nga FSHZH shpjegohet dhe se si u zhvillua ecuria e përzgjedhjes së projekteve.

“Thirrja publike për aplikime në kuadër te Skemës u publikua në datën 15 Korrik 2021 dhe ftonte të gjitha Bashkitë e territorit të Shqipërisë të aplikonin me projekt ide në bazë të objektivave të Skemës së Granteve e cila fokusohej në dimensionet e zhvillimit rajonal, nxitjen e institucioneve dhe partnerëve për bashkëpunim nëpërmjet projekteve ndërvendore që kanë një ndikim të qartë në zhvillimin rajonal.

Në fazën e parë të aplikimit morën pjesë 55 Bashki, nga të cilat 8 aplikuan në bashkëpunim me Bashki të tjera dhe 24 të tjera aplikuan në partnership me aktorë aktivë lokal si organizata jo fitimprurëse, shoqata lokale, biznese etj.

20 projekt-idetë më të mira u përzgjodhen për të vijuar garën duke dorëzuar aplikimin e plotë. Faza e dyte e aplikimit e cila përmbyllej në 15 nëntor 2021 u shoqërua me trajnime per stafet e bashkive të përzgjedhura për përgatitjen e projekteve dhe plotesimin e saktë të formateve.

20 Bashki aplikuan me projekte të plota në fazën e dytë të aplikimit dhe 10 prej tyre u përzgjodhën me sukses për të përfituar një grant në kuadër të Skemës për Zhvillimin Rajonal dhe Kohezionin”, thuhet nga Fondi Shqiptar i Zhvillimit, ku pra bashkitë e tjera të Jugut, përfshirë dhe Sarandën, nuk listohen ndër fitueset.

Siç dihet, ndër fshatrat e zonës në kuadër të “100 fshatrave”, janë Rusani dhe Çuka. /sarandacity.al/