Në fund të javës së kaluar, aeroplanmbajtësja amerikane me energji bërthamore lundroi në veri të Korfuzit duke u nisur nga jugu.
Sot, aeroplanmbajtësja amerikane me energji bërthamore po lëviz në ujërat ndërkombëtare në Egjeun e Veriut, e shoqëruar nga destrojerë, fregata dhe anije ndihmëse amerikane.
Aeroplanmbajtësja gjigante, 333 metra e gjatë, mban gjithsej 90 avionë luftarakë – me mundësi daljeje nga shinat nga “ishulli lundrues” – dhe helikopterë.
Prania e “Harry Truman” në ujrat e Egjeut tregon se sa është nxehur situata.
Aktualisht, “Harry Truman” është më pak se 1000 milje nga fushëbeteja në Ukrainë. Kjo vjen në një kohë kur presidenti rus ka njoftuar se ka vënë në gatishmëri arsenalin bërthamor të Moskës, duke përmendur shqetësimin rus për një sulm të mundshëm bërthamor të SHBA-së.
“NATO nuk dëshiron një luftë me Rusinë”, tha Sekretari i Përgjithshëm i NATO-s, Jens Stoltenberg, ndërsa Sekretari amerikan i Shtetit, Anthony Blinken paralajmëroi se një vijë e kuqe ishte për të mbrojtur territorin e NATO-s.
Kujtohet se si Rumania ashtu edhe Hungaria me Sllovakinë dhe Poloninë – katër vende në kufi me Ukrainën – janë anëtarë të NATO-s. /sarandacity.al/
