Është e qartë tashmë se vendin e pandemisë COVID e ka zënë Ukrainas; pra, “armiku i padukshëm” është zëvëndësuar nga “i dukshmi”, rusët në këtë rast, të cilët po trondisin rendin global me sulmin e tyre ndaj fqinjit ish-sovjetik, Ukrainës. Dhe e gjitha kjo me një efekt ekonomik global.
Për këtë doli para medias i pari i qeverisjes shqiptare, për t’u dhënë mesazhin bashkëatdhetarëve se një kohë e vështira në pret, me çmime të ngritura dhe me një krizë energjitike nën kërcënim të vazhdueshëm.
Duke veçuar çmimi e naftës, si më i ndjeshmi këto ditë, ai tha se duhet të jemi të përgatitur për skenarin më të keq.
“Çmimi i naftës nuk varet nga qeveria, nuk është qeveria që ngre apo ul çmimet e mallrave të konsumit, është tregu dhe tregu është i ndjeshëm ndaj të gjitha krizave, e jo më ndaj një lufte, Europa.
Duhet të përgatitemi për çdo skenar, askush nuk e di se çfarë do të ndodh, jemi në të njëjtat kushte me pandeminë, kur nuk e dinim kohëzgjatjen, zhvillimet në dinamikën e tyre dhe kur u përgatitëm për disa skenarë.
Duhet të përgatitemi psikologjikisht edhe për shkurtime dramatike të furnizimeve me energji ose naftë, ky është skenari më dramatik”, tha Rama, duke bërë me dijë se dhe për këtë krizë të re do ketë një komitet të posaçëm.
“Do krijojmë një komiteti të posaçëm ndërministror për përballimin e pasojave të luftës. Ne nuk jemi në kushtet e një kërcënimi ushtarak, por jemi si të gjitha vendet e tjera të NATO-së, edhe më gjerë sesa vendet e NATO-s, në kushtet e përdorimit të përditshëm ekonomik në përballimin e kostove dhe vlerave në çmim të mallrave të konsumit”, shtoi.
Rama i bëri një përshkrim të zymtë situatës, duke thënë se ajo duhet kuptuar qartë, nga çdokush.
“Nuk është një film si ajo që shohim nëpër ekrane. Është luftë reale, si në Luftën e Parë Botërore, si në vitin famëkeq të përpjekjes për spastrim etnik në Kosovë. Kjo ka brenda misionin e vështirë ushtarak, të paneglizhueshëm.
Duhet të jemi të vetëdijshëm se ka ndryshuar bota ku jetojmë në këto 13 ditë dhe është kthyer përmbysë, jemi në kushte lufte. Nuk po zhvillohet fizikisht këtu, bombat nuk janë mbi kokat tona, familjet tona janë të sigurta, por impakti është qartësisht i prekshëm në ekonominë e vendit. Detyrimi unë të garantojmë vazhdimësinë me sa më pak dhimbje, por pa dhimbje luftë nuk ka. Nuk është as vullneti ynë, as ën mundësitë tonë ta shmangim, duhet ta përballim.
Siç ia dolëm në dy përballjen e tjera, do t’ia dalim sërish. Nuk e zgjodhëm as tërmetin, as COVID-in, kjo që ka ardhur është më e keqja.”, tha Rama, për të cilin duhet theksuar, është gjendur në kohën e gabuar në raport me paraardhësit e tij në paskomunizëm. /sarandacity.al/
