Nga Mark Brunga
Sigurisht, nuk është gjë e mirë që në nisje të sezonit turistik, të zbulosh për opinionin realitete si ky këtu, që për fat të keq gjenden dhe afër terreneve të plazheve që tashmë sa vijnë e popullohen. Por qëllimi është fshikullimi i autoriteteve përgjegjëse, që patjetër duhet të ndërhyjnë për ta ndryshuar këtë situatë….
Lumi Ishëm dhe dega e tij e njohur si lumi i Gjoles, që përshkojne rrethet Tiranë, Krujë dhe Durrës, janë totalisht të ndotur.
Në se do të kërkosh te dëgjosh zërin e një bretkoce do të zhgënjehesh. Por banorët rreth e qark, të thonë se në këtë lumë prej vitesh nuk ka më as peshk dhe as gjarpërinj. Peisazhi i dikurshëmqë afronte tashmë është ronitur.
Llumrat dhe ndotja është pasaporta e tyre. “Ujin, të thonë fshatarët regojnë fshatarët, nuk e përdorim më për të vaditur se na than bimësinë. Po ta kalosh lumin me këmbë, fillon të të kruhet lëkura”.
Një ndër pikat ku kandidatët për pushtetin lokal në zgjedhje u premtuan shumë banorëve në zona të ndryshme është edhe mjedisi.
E njëjta gjë ka ndodhur edhe në zgjedhjet politike. Kjo ka ndodhur në të gjitha fushatat elektorale, por premtimet më pas janë harruar, ndërsa mbetjet e shumta inerte dhe kimikatet vazhdojne të ndotin ujrat e lumenjeve dhe me pas plazhet dhe bregdetin.
Lumi i Ishmit në Qarkun e Durrësit është kthyer sot në një vatër infeksioni që jo vetëm ndot plazhet, por edhe po të përdoret për vaditje; pra, fshatarët kanë frikë se iu than bimësinë. Fermerët tregojnë se këto ujra dikur përdoreshin deri për ujë të pijshëm, ndërsa sot atje nuk ka asnje gjallesë nga superndotja kimike dhe biologjike.
Kjo sepse sot lumi i Ishmit dhe i Gjoles dhe ndotin dhe ujrat e plazheve durrsake, që janë totalisht të ndotur tashmë që në burim.
Kjo ndotje që ka filluar qysh para 15 vjetësh është një problem i madh dhe paraqet një rrezik serioz për jetën e mijëra banorëve që jetojnë në afërsi të brigjeve të tij.
Pavarësisht nga deklaratat e shumta që janë bërë, madje edhe programet që harrohen shpejt, këto lumenj janë kthyer në një kosh gjigand mbeturinash të të gjitha llojeve duke filluar nga ato urbane e deri mbeturina inertesh të natyrave të ndryshme.
Sipas banorëve, të gjitha llojet e mbetjeve sillen me automjete të ndryshme nga Durrësi, Kruja, Fush Kruja dhe vendbanimet e ndryshme përrreth, e disa derdhen direkt në lumë përveç kanaleve te ujrave të zeza të 2 qyteteve si dhe mbi brigjet e tij.
Askush nuk di të thotë se kur do të marrë fund ky shkatërrim i mjedisit, shoqëruar me ndotje ekstreme.
Se, ndonëse ky është një problem i vjetër e tepër shqetësues, bashkia e Krujës dhe ajo e Durrësit, nepër territoret e të cilave kalon lumi, duhet të programojnë punën e ta ndalojnë urgjentisht këtë fenomen me impakt mjedisor e shëndetësor në jetën e banorëve, por edhe të turizmit, pasi ndot masivisht bregdetin.
Në fund të këtij shkrimi duhet kujtuar se ky realitet që gjendet në Durrës, duhet të ndryshojë dhe për faktin se nga Durrësi është ministri i Mjedisit, Lefter Koka.
Do Zoti dhe i shkon ky mesazh.
/tesheshi.com/
