Rama mund të jetë kryeministër deri në shtator, pasi më pas do duhet të mbledhë plaçkat për t’u zhvendosur gjetkë, në Bruksel, si kreu i ri NATO-s.
Shaka apo e vërtetë, meqë është 1 prilli, lajmi ka buruar nga një grua gjermane, më saktë studiuesja Suzana Starikov, e cila shkruan në Twitter se Rama do të pasojë Stoltendberg në këtë post të lartë, duke shtuar se SHBA-ja ka insistuar në zgjedhjen e tij.
“Edi Rama do të pasojë Jens Stoltenberg në postin e Sekretarit të Përgjithshëm të NATO-s.
Në veçanti thuhet se SHBA-të kanë insistuar në zgjedhjen e Sekretarit të Përgjithshëm të ardhshëm të NATO-s mes anëtarëve të rinj të NATO-s.
Kandidatët ishin kryeministrja Katja Kalas dhe kryeministri Edi Rama.
Kush do të jetë kryeministri i ardhshëm?”, shkruan Starikov.
Siç mund të vërehet, Starikov e konsideron të përfunduar këtë punë, pra të padiskutueshme që Rama do jetë Sekretari i Përgjithshëm i NATO-s, pozicioni më i lartë i aleancës ushtarake më të madhe në botë e histori, tregues i fuqisë së Perëndimit. Ndaj ajo e përfundon mesazhin me atë se kush do e pasojë Ramën në krye të qeverisë shqiptare.
Nëse ndodh vërtet kështu, ky do ishte posti më i lartë në histori i një shqiptari në nivel global. /sarandacity.al/
