Një ndër gjërat më interesante në majëkodrën e Finiqit, aty ku ndodhet parku arkeologjik, janë një kompleks bunkerësh me grykëzjarri me drejtim nga jugu, Greqia. Janë mbetje të kohës së komunizmit me kontesktin ideologjik të asaj kohe.
Pra, një lloj “arkeologjie politike” me gjurmët e saj të qarta, edhe tërheqëse gjithashtu.
Ekziston aty një absurd, pasi ato ndodhen në tokë minoritare në aspekt social e administrativ, ku pra si armik kapitalist që mund të sulmonte Shqipërinë socialiste, ishte fqinji jugor. Dhe në një farë mënyrë, nga “pozicione greke” do luftohej me grekun. Sepse fqinji i përkiste ideologjikisht Perëndimit, kampit armik, ndonëse në 88-ën, Enver Hoxha do nxirrte librin e tij “Dy popuj miq”. 
Pra, dhe të tilla realitete vijnë nga ajo kohë me gjurmë të tilla si këto bunkerë, ku regjimi hem shikonte armikun ideologjik te fqinji e hem e quante atë “mik” në një moment të caktuar.
Sot, veç këtij kurioziteti, ato nuk vlejnë më për asgjë. Por vlejnë shumë sikur atyre të huajve që ngjiten majëkodren e Finiqit për të parë rrënojat antike, t’u serviren si relike të një kohë, së bashku me shpjegimet përkatëse, edhe këto bunkerë. /sarandacity.al/
