Sot në Sarandë në 82 vjetorin e rezistencës antifashiste janë rikujtuar figurat kryesore të kësaj lufte si Mujo Ulqinaku, Vasil Laçi, Kajo Karafili, Mitro Dhimërtika dhe anëtarë të tjerë që i bënë ballë pushtimit fashist në 7 Prill 1939.
Gjithashtu janë rikujtuar figurat sarandiote që e pritën me armë pushtuesin, si djaloshi Mitro Dhimërtika që ishte organizator i rezistencës për qytetin e Sarandës po ashtu dhe dëshmori i parë të këtij qyteti në këtë luftë.
“Akti i tij është më shumë se heroik në kushtet dhe rrethanat që u gjend Saranda, ai ishte vullnetar i parë i ndërgjegjhë për atë që po kryente. Si një qytetar ai shkoi me ndërgjegje të organizonte rezistencën.Ai erdhi nga Nivica bashkë me shokët e tij për të luftuar,ku gjatë kësaj lufte ai ra në frontin e parë të rezistencës antifashiste për të mbetur i pavdekshëm.Sot në 82 vjetorin e rezistencës antifashiste ne rikujtojme dhe nderojmë me mirënjohje dhe respekt të thellë të gjithë ata djem dhe burra që u rreshtuan kundër fashistëve.”, është shprehur Anastas Gurma, kryetar i Shoqatës së Ushtarakëve .
Anastas Gurma ka folur dhe për jetën dhe veprimtarinë e të ndjerit Rustem Peçi.
Në hapje të këtij takimi ka folur Neriman Gjivogli dhe është mbajtur një minutë heshtje për ndarjen nga jeta të Kryetarit të Komitetit Kombëtar Rustem Peçi dhe u lexua prej saj mesazhi i ngushëllimit që iu dërgua Komitetit Kombëtar.
Pjesë e këtij takimi ka qenë Ali Murtaj, kryetar i Organizatës së Familjeve të Dëshmorëve dhe ka rikujtuar dhe njëherë rezistencën e djemve sarandiotë në 7 Prill 1939.
Një pyetje u ngrit nga një prej veteranëve pjesëmarrës të cilët prej vitesh kërkojnë që në Sarandë të vendosen bustet e 3 Vasil Laçi, Mitro Xhani dhe Lefter Talo.
Kjo kërkesë është paraqitur prej vitesh dhe Neriman Gjivogli, kryetare e Komitetit të Veteranëve dha një përgjigje se fondi përkatës për këtë shqetësim është vënë në dispozicion dhe bustet janë në përfundim e sipër dhe do të përurohet në Maj të këtij viti. /sarandacity.al/
