Ish-deputeti i PD-së në mandatin e parë të qeverisjes së Berishës, Neritan Sejamini, më vonë këshilltar i Bashës, e quajti perfekte gjetjen e Ramës për këtë fushatë: mbjelljen e pemëve.
“Fushata e PS është e akullt, profesionale dhe ka karakterisikat e çdo fushate moderne. Duhet të heqim dorë nga koncepti mbi fushatat. Ato janë art dhe ndikojnë njerëzit. Fushatat nuk janë proces drejtësie. Në fushatë fiton edhe i keqi. Nuk perceptohet si i miri dhe i keqi fushata.
Rama po bën fushatën perfekte dhe moderne. Në fushatë njerëzit nuk votojnë në mënyrë racionale, por emocionale. Qëllimi kryesor i tyre është ndikimi emocional”, argumentoi Sejamini, tashme më rol analisti.
“Ramës nuk i duhen votuesit e opozitës, por ata që janë të lëkundur”, tha ai, duke shtuar:
“Fushata e Ramës ka një temë dhe mesazh. Tema është, e vjetra Berisha-Meta dhe e reja dhe vazhdimi jemi ne. Ai do të injorojë kandidatët dhe do të merret me Berishën dhe Metën.
Edhe zgjedhja e pemëve ka idene e jetës në subkoshiencën e njerëzve. Përveçse gjelbërimi i ka ardhur si gjë fantastike, sepse opozita nuk po merret me betonizimin që është pika më e dobët e Ramës”, ishte komenti i Sejaminit. /sarandacity.al/
