U quajt murgeshë Theonymph dhe donte t’i përkushtohej Zotit pas vdekjes tragjike të vajzës së saj 18-vjeçare në një aksident automobilistik. Gruaja që bëri këtë kthesë në jetën e saj, tashmë nuk jeton më.
Fjala është Mary Alexopoulou-n, një artiste e famshme greke në vitet ’60 dhe ’70.
Deri në moshën 42-vjeçare ajo shijonte jetën e saj muzikore plot famë.
Suksesi i saj më i madh ishte hiti “Bambola” (1968).
Por në vitin 1986 ajo mori vendimin për t’u bërë murgeshë, pas vdekjes tragjike të vajzës së saj 18-vjeçare në një aksident automobilistik dy vjet më parë, dhe që atëherë u quajt Theonymph.
Kush ishte Mary Alexopoulou?
Mary Alexopoulou mori pjesë në konkurset e bukurisë të vitit 1961. Ajo pati një karrierë të rëndësishme si këngëtare dhe u shfaq në dy filma grekë: “Nightëalkers” dhe “Fifis the Patouchable”.
Në të dytën interpretoi dy këngë të kompozitorit Kostas Klavvas.
Në vitin 1966 merr pjesë në Festivalin e Këngës së Lehtë të Selanikut me këngën “Panigyri” të Klavvas dhe Mavromoustakis, duke fituar çmimin e parë.
Mary Alexopoulou filloi të fitonte publikun muzikdashës, duke nxjerrë disqe, duke fituar çmime në festivale greke dhe ndërkombëtare dhe sigurisht duke u shfaqur në qendrat historike të Athinës.
Më pas erdhi hiti i madh “Bambola”, një hit ndërkombëtar i Patty Pravo.
Fotot e Marisë zbukuronin dhomat e të rinjve dhe këngët e saj dëgjoheshin në të gjitha festat e të rinjve.
E gjithë kjo deri në moshën 42-vjeçare, pasi vdekja e vajzës së saj 18-vjeçare në një aksident automobilistik ndryshoi gjithçka në jetën e saj.
Pas aksidentit, ajo hoqi dorë nga muzika dhe u bë murgeshë.
“Atëherë i lashë të gjitha sepse humba fëmijën dhe preferova të isha pranë Zotit dhe asgjë tjetër nuk doja më…Nuk u pendova kurrë që u bëra murgeshë”, rrëfeu ajo në një intervistë në shkurt të 2022-shit. /sarandacity.al/
