Brian Johnson, njeriu që dëshiron të mposhtë kohën dhe të jetojë përgjithmonë, pretendon se tani e ka ngadalësuar procesin e plakjes deri në pikën ku mund të festojë ditëlindjen e tij çdo 19 muaj.
Manjati 46-vjeçar i teknologjisë shpenzon rreth dy milionë euro në vit duke kërkuar një mënyrë për të ndryshuar moshën e tij dhe për t’u bërë sërish 18 vjeç, ndërkohë që pranon se jetëgjatësia maksimale e njeriut është rreth 120 vjet.
Dhe për ta arritur këtë, Johnson shiti kompaninë e tij Braintree Venmo te PayPal për 800 milionë dollarë në 2013.
Johnson pretendon se ka arritur rekordin për anti-plakjen më të shpejtë të regjistruar në histori, duke ulur moshën e tij “epigjenetike” me 5.1 vjet në vetëm shtatë muaj, raporton Independent, por shumë ekspertë janë skeptikë për metodat e tij.
Ai gjithashtu thotë se ka marrë një qasje gjithëpërfshirëse për të ndaluar procesin e plakjes, duke ngrënë një dietë vegjetariane me 1977 kalori në ditë dhe duke marrë suplemente dhe medikamente të ndryshme.
Ai gjithashtu i është nënshtruar procedurave më invazive si MRI, ultratinguj dhe kolonoskopi dhe i ndan publikisht statistikat e tij në internet për të informuar të tjerët se çfarë mund të arrihet në këtë fushë.
Duke postuar në Instagram më 18 qershor, ai shkroi se eksperimenti i tij i fundit përfshinte kryerjen e të ashtuquajturës terapi gjenetike të filostatinës në shtator 2023, e cila ai pretendon se rriti jetëgjatësinë e minjve me 30% kur aplikohej në një fazë eksperimentale.
Trajtimi përfshin rritjen e prodhimit të tilaktinës nga trupi, një proteinë e përfshirë në rritjen e muskujve, inflamacionin dhe fertilitetin.
Johnson pretendon se tani që ai ka pasur trajtimin, ai ka ngadalësuar shkallën e plakjes në një “rekord personal” prej 0.64, që do të thotë se ai plaket vetëm një vit çdo 19 muaj. “Masa ime muskulore është rritur me 7% (tashmë në përqindjen e 99-të),” shkroi ai, përpara se të shtonte: “Nivelet e mia të follistatinës u rritën me 160% (2 javë pas injektimit).
Megjithatë, ai theksoi se mënyrat më konvencionale të të jetuarit të shëndetshëm janë ende jetike për qasjen e tij, si gjumi i mirë, dieta dhe stërvitja.
Dhe ç’është më e rëndësishmja, sado të jetojë, ai sërish do vdesë një ditë, si çdo krijesë. Ndaj ligjësive të Zotit në tokë e gjithsësi, plot urtësi, nuk del dot askush. /sarandacity.al/
