Pashkët: ç’përfaqësojnë vezët e kuqe të së enjtes

E enjtja e Madhe, e katërta ditë e Javës së Madhe të Pashkëve, ishte një ditë e veçantë për besimtarët ortodoksë.

Ata dje kanë nisur të lyejnë një pjesë të vezëve të Pashkës. Zakoni e do që të skuqen vezët për çdo pjesëtar të familjes dhe një për shtëpinë.

Veza është simboli i jetës, ndërsa ngjyra e kuqe simbolizon sakrificën e Jezu Krishtit.

Ngjyerja e vezëve bëhet të enjten dhe çukurisen të shtunën në meshën e madhe të ngjalljes së Krishtit dhe të dielën.

Këtë besimtarët e bëjnë si për të treguar forcën e jetës mbi vdekjen.

Ndërsa të Shtunën e Madhe ngjyhen përsëri vezët, që shpërndahen për miqtë.

Çukurisja e vezëve vazhdon edhe ditën e diel në familje, mes pjesëtarëve të saj.

Veza e kuqe mbahet në shtëpi për 1 vit, deri në Pashkën tjetër.

Ditën e hënë pas Pashkës, veza e kuqe 1-vjeçare, i jepet detit ose lumit, si vazhdim i bekimit për vijimësi të jetës. /sarandacity.al/