Rama: Cenimi i mjedisit në zonat turistike, krim që do ndëshkim!

Kryeministri Rama shpalli ata që cenojnë mjedisin, me gjithë çfarë ai përmban, me ndotje apo ndërtime pa leje, si kriminelë që duhen ndëshkuar.

Sipas tij, Mbrojtja e Territorit dhe zbatimi rigoroz i Kodit Penal për aktivitetet e paligjshme, nga ndërtimet pa leje tek prekja e pyjeve, lumenjve, liqeneve dhe zonat e mbrojtura natyrore e kulturore, duhet të bëhen urgjentisht prioritet i njëjtë me luftën kundër krimit të organizuar e korrupsionit për Policinë e Shtetit.

Kjo u kumtua prej tij në një aktivitet ku qenë dhe ministrat  Bledi Çuçi, Etilda Gjonaj dhe Blendi Klosi, drejtuesit e policisë dhe drejtori i ri i INUK.

“I kam kërkuar ministrit (Çuçi), drejtorit të IKMT, ministrit të Turizmit të hartohet dhe të niset operacion nga Velipoja deri nëKksamil, dhe tani jo në mesin e verës kur të vijnë turistët. Pa asnjë tolerance”, tha Rama.

Megjithatë tha Rama, nuk duhet tepruar.

“Policia të fillojë nga zonat turistike, nga zonat e mbrojtura, nga zonat trashëgimi kulturore, nga qytetet, pas shkuar dhe për t’u hallakatur në maja malesh ku një fshatar ndërton një mur apo rregullon një çati. Cfarë logjike ka t’i shkohet në majë Kallmetit për një avlli kur në rërën e Velipojës dikush bën namin”, tha Rama.

“Zonat turistike janë si drita e syve për Shqipërinë!

Janë baza e zhvillimit në funksion të të ardhmes dh ne nuk mund të pranojmë inercinë e një kontrolli, që nëse e kthejmë kokën mbrapa nuk ka të krahasuar me 6-7 vite më parë, por nëse shohim në të ardhmen është i papranueshëm nga dobësai”, theksoi ai. /sarandacity.al/