Linja e energjisë elektrike Vrion-Shelegar-Vromero që furnizon këto zona ka pësuar një defekt dhe nuk po furnizohen me energji elektrike prej një ore.
Sipas disa eksertëve që po merren me gjetjen dhe rregullimin e këtij defekti, thuhet se disa linja të zhveshura janë duke krijuar masë me njëra-tjetrën.
Kjo zonë vuan prej kohësh për një linjë të re elektrike, madje është projektuar një linjë e re elektrike tokësore për këtë zonë.
Gjatë fushatës elektorale, deputetja në pritje Anila Denaj, së bashku me kryebashkiakun Adrian Gurma dëgjuan në Shelegar dhe zonat përreth për problemin me energjinë elektrike.
Madje kryebashkiaku Gurma, pas ankesës që patën banorët e Shelegarit, bëri pjesë të takimit drejtorin e OSHEE në Sarandë për t’u shprehur para banorëve se kur do t’i jepej fund kësaj problematike.
Drejtori i OSHEE Agron Husi u shpreh: “Pasi tenderi për këtë projekt ka kaluar, në fillim të shtatorit pritet të nisin punimet”. /sarandacity.al/
