Nga sot shqiptarët mund të udhëtojnë drejt Greqisë pas më shumë se një viti privim lëvizjeje drejt fqinjit jugor për shkaqe pandemike.
Sipas qarkores së shpërndarë në të gjithë pikat kufitare të vendit, që prej datës 19 qershor, (sot) në Greqi do të lejohet të kalojnë të gjitha kategoritë e udhëtarëve për qëllimi familjare dhe turistike.
Por a ka kritere? Sigurisht.
Udhëtarët edhe nga Shqipëria, do të duhet të kenë me vete formën PLF si dhe do të njihet edhe testi i shpejtë, pra nuk do të jetë i nevojshëm të kryhet testi PCR.
Në pikat kufitare do të kryhen prej autoriteteve teste të rastësishëm.
Deri në datën 28 qershor mbeten në fuqi kuotat prej 1500 personave në ditë në Kakavijë, 250 në qaf botë dhe 400 në Kapshticë dhe më vonë pritet liberalizimi total i lëvizjes.
Sipas Ministrisë së Jashtme shqiptare, ata që do të udhëtojnë drejt Greqisë duhet të kenë:
“Formularin Plf,
Certifikate vaksinimi, test PCR ose rapid ose Certifikate se diagnozës pozitive e vlefshme për dy deri në nëntë muaj.
Fëmijët mbi 12 vjeç do të ketë të njëjtat kritere hyrëse si të rriturit.
Pavarësisht kësaj, në pikat kufitare do të vijojnë të kryhen teste të rastësishme nga autoritetet përkatëse. Plotësimi i formularit PLF është i detyrueshëm për të gjithë nga të gjitha pikat kufitare, tokësore ose ajrore.
Në rast se formulari nuk plotësohet online do të thotë që është arritur kuota ditore e ju duhet të zgjidhni një ditë tjetër për të udhëtuar drejt Greqisë”, sqaron dikasteri bazë i diplomacisë shqiptare. /sarandacity.al/
