Në një tentativë fizike dhe estetike për të qenë sa më korrekt në një parkim dysh, drejtuesi i këtij automjeti ka sjellë një pasojë për të cilën me gjasë nuk është në dijeni, edhe pse gjatë zbritjes duhej ta kish vënë re.
Pra, me rrotë të parë, ai ka shpëfytyruar një cilindër plastik, duke e mbajtur atë të mbërthyer deri në nivele mëshirëndjellëse, edhe pse është fjala për një send pa shpirt.
Por estetikisht mesazhi është shumë i rëndë, pasi përçon imazhin e një papërgjegjshmërie në raport me rregullat komunitare dhe pasurinë publike.
Ama është qartazi e lexueshme që është fjalë për një pavëmendje nga ana e drejtuesit, ose drejtueses, pasi lloji i automjetit nuk të jep përshtypjen e një poseduesi arrogant, siç fjala vjen mund të ndodhte me makina të tjera luksi që parkohen zakonisht në të njëjtën rrugë. /sarandacity.al/
