Fotografi të rralla të fshatrave të Çamërisë, para spastrimit nga ushtria greke, qenkan realizuar nga një fotograf zviceran me nam, i quajtur Frederic Francois Boisson.
Siç shkruan studiuesi Auron Tare, “ai ishte 71 vjeç kur mori një komision fotografik nga Mbreti i Egjiptit dhe Sudanit – Faruk, një shqiptar.
Si rezultat i udhëtimit në Egjipt, Fred Boisson prodhoi albumin e famshëm ′′L ‘ Egypte”, i cili u botua në vitin 1932”.
“Ky album shkruan Tare, “ishte një shembull magjepsës i artit të brendimit të kombit”.
Por aspekti më interesant sipas Tares, është ai i fotografimit të fshatrave të Çamërisë.
“Megjithëse Fred Boisson e kishte fotografuar gjerësisht Greqinë në fillim të shekullit 20, ai gjatë udhëtimeve të tij rreth Greqisë vizitoi dhe kapi rajonin e populluar shqiptar të Çamërisë dhe la një koleksion magjepsës fotografish nga fshatrat shqiptare të Çamërise para shpopullimit nga ushtria greke. Fotografitë e tij të këtij rajoni nuk janë shumë të njohura në Shqipëri, megjithatë janë pjesë e rëndësishme e jetës dhe historisë së çamëve shqiptarë”, informon Tare, duke ofruar tre foto nga Paramithia. /sarandacity.al/
