Një pamje jo e denjë por e paeviteshme është ajo me Çerçizin e varur në ganxhën e një vinçi, pas një zhvendosjeje të përkohshme nga sheshi me emrin e tij në Gjirokastër, te i cili qëndronte prej 79 vitesh.
Zhvendosja u krye për shkak të rehabilitimin e sheshit dhe ndërtimin e një parkimi nëntokësor.
Ky veprim i natyrës teknike ka ngjallur debat më parë, pasi shoqëria civile, ajo e ngarkuar me emocione patriotike, nuk e ka parë të udhës që simboli i luftës së Mashkullorës të hiqej prej aty.
Kujtojmë se monumenti në fjalë është vepër e mjeshtrit Odise Paskali, realizuar që në vitin 1934.
Ai u ngrit me kontributin e vetë gjirokastritëve dhe ka kushtuar plot 3600 franga ari. /sarandacity.al/
