Anëtari i Komitetit Teknik COVID, Dr, Skënder Brataj, i druhet një rritje të rasteve me infektime pas rikthimit të mësimit në shkolla siç ishte në situatë normale.
“Është fiziologjike që të ketë një rritje të numrit, pikërisht për faktin se këto mosha janë mosha të pavaksinuara. Janë ata që kanë qenë më të izoluar nga ambientet e shkollës.
Eksperienca ka treguar se në të gjitha ato vende ku shkolla ka filluar më përpara ka pasur një rritje”, tha ai.
Sipas drejtorit të Urgjencës Kombëtare, situata epidemiologjike nuk pritet të na çojë në masa më të forta, por vetëm në izolim të vatrave të infeksionit.
Por si parashikohet të jetë dimri?
Kjo sipas doktor Bratajt do të varet nga numri i të vaksinuarve. /sarandacity.al/
