Gjykata “zhbëri” atë batërdi në selinë blu të shtunë, duke liruar të gjithë të arrestuarit. Asnjë masë “arrest shtëpie”, vetëm “detyrim për paraqitje” dhe të tjerët pa masë sigurie.
Kjo ka bërë që Albana Vokshi, emër në PD-në e Berishës, ta quajë “paqësore” atë që ndodhi atë ditë.
“Edhe seanca e sotme për masën e sigurisë së 18 protestuesve dëshmoi se protesta u thirr, u organizua paqësore dhe ishte e tillë deri në fund, u vërtetua që ishin arrestuar në mënyrë të paligjshme.
Policia e Prokuroria dështuan të dëshmonin qoftë edhe një provë të vetme për t’i implikuar.
Të gjithë protestuan në mënyrë paqësore. U shoqëruan në ambientet larg selisë së PD-së.
Të 18 protestuesit janë heronj të demokracisë”, tha gruaja e njohur për gjuhën brisk në qëndrimet politike. /sarandacity.al/
