Do ishim të padrejtë nëse shqetësimit të shprehur për degradimin e rrepeve të Syrit të Kaltër, do mos i bashkangjisnim atë dhe mbi të njëjtit fenomen pak a shumë mbi një rrap të njohur në Delvinë, që është dhe ndër detajet më tërheqëse të dekorit natyror të qendrës së këtij qyteti.
Mban statusin “Monument Natyre”.
Një banor i Delvinës, nga ata që iu dhimbset qyteti, Robert Izeti, duke marrë shkas nga lajmi i postuar prej nesh para disa ditëve ku inxhinier Kristo Kauri shpjegonte pse po thaheshin rrepet te “Syri i Kaltër”, na ka nisur shqetësimin e tij.
“Lugina e Vjosës është më e goditura nga kjo sëmundje, fillimisht u prekën rrepet në luginën e Drinos, dhe pas saj u përhap te rrepet e Kardhikaqit dhe Syrin e Kaltërt, më vonë rrepet në rrjedhën e Vrisit në Delvinë, dhe ka dhënë shenjat te rrepet e mbrojtur në qendër të Delvinës.
Nuk ka ilaç, prek kryesisht rrepet e vjetër.
Po ju dërgoj foto për gjendjen aktuale të rrapit, që me sa duket nuk do ta ketë të gjatë. Gjynah!”, janë fjalët informuese dhe të përshpirtshme nga qytetari delvinjot Robert Izeti. /sarandacity.al/
