Një shtetas i Kosovës ka rrezikuar deri dhe jetën e ish-kreut demokrat Berisha, gjatë një papërgjegjshmërie në rrugë, pasi çoi në një aksident me pasojë pikërisht eskortën e veteranit politik. E gjitha ka ndodhur pas përfundimit të “Foltores” në Laç.
Ardi Mulliqi quhet personi që u fut kundravajtje dhe u përplas me një nga mjetet që shoqëronte ish-kryeministrin Sali Berisha.
Fatmirësisht makina me të cilën po udhëtonte Berisha ka mundur të devijojë, ashtu si edhe tre makinat e tjera që vinin pas, por makina e katërt nuk ka mundur të devjojë dhe ka frenuar fort, duke përplasur nga mbrapa një makinë tjetër. Për pasojë në këtë aksident kanë mbetur të plagosur dy persona, shoferi dhe dy shoqërues.
“Në aksin rrugor Milot- Fushë Mamurras, mjeti me drejtues shtetasin A.M., ka goditur mjetin me drejtues shtetasin S.L., e më pas ka goditur mjetin shoqërues të eskortës deputetit S.B.
Si pasojë kanë marrë dëmtime të lehta dy shtetas banues në Kosovë.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes”, njofton policia.
Një rrëfim për ngjarjen dha dhe Ervis Tusha, truproja ish-kryeministrit Sali Berisha.
Ai tha e në drejtim të tyre ka ardhur kundravajtje me shpejtësi shumë të lartë një Mercedes i bardhë me targa të Kosovës, por falë aftësisë së shoferit u bë e mundur shmangia e menjëhershme e përplasjes.
“Pas takimit në qytetin e Laçit, rreth orës 19:02, rrugës në kthim në autostradën Milot-Mamurras, në drejtimin tonë vjen një Mercedes i Bardhë me targa të Kosovës, me shpejtësi në kundravajtje.
Falë aftësisë të shoferit të makinës së z. Sali Berisha, u bë e mundur shmangia e menjëhershme e përplasjes, pasi makina në kundravajtje ishte me shpejtësi tej normave të lejuara, po kështu edhe dy makinat pas makinës së z. Berisha, ndërsa makina e tretë e ndodhur ballë për ballë ka bërë një frenim të fortë për ta shmangur, ku si pasojë është goditur nga mbrapa nga një mjet rastësor.
E gjitha kjo ka ndodhur për shkak të shoferit që po i jepte makinës me shpejtësi në autostradë në korsinë e gabuar.
Falë Zotit të gjithë jemi në gjendje të mirë shëndetësore, përfshirë doktor Berisha”, tha Tusha. /sarandacity.al/
