Ndërsa deri dje i konsideronte ikjet si normale, duke mos dashur t’i faturohen qeverisjes së tij, tashmë Rama po jep vetë alarmin, duke u përqendruar te mungesa e fuqisë punëtore.
Ndaj, nga një fasoneri në Kamëz, ai i mëshoi fort rritjes së pagave, si një formë ndalimi të ikjes së krahut të punës.
“Do bëjmë çmos që punonjësit të kenë fjalën e tyre. Ne s’i zëvendësojmë dot sindikatat sepse fatkeqësisht janë fantazma, por ne mund të bëjmë të mundur që edhe këto të jenë pjesë mes marrëdhënies kontraktuale me punëdhënësin”, tha tha Rama, duke theksuar:
“Pyetja që shtrohet sot është: a janë pagat në sektorin privat pasqyrë e produktivitetit, apo janë pasqyrë e një qasje kapitaliste që është në skajin e vet?
Kemi dëgjuar prej kohësh kemi vende pune po s’kemi specialistë, po tani është kemi vende pune po s’kemi as punëtorë. Kjo kërkon një reagim të shpejtë, duke nis nga paga”.
Gjithashtu, Rama përsëriti paralajmërimin për ata që studiojnë mjekësi:
“S’do financojmë masivisht koston e studimit të mjekësve nëse nuk angazhohen që për një periudhë kohë t’i shërbejnë popullit të tyre. Nuk financojmë me taksat e shqiptarëve që ata të shkojnë t’i shërbejnë popullit gjerman”, tha kryeministri. /sarandacity.al/
