Sot ka ndërruar jetë Kaliopi, nëna e deputetit socialist Anastas Angjeli. Njoftimin e ka bërë vetë ai në adresën e tij të Facebook-ut.
“Sot u nda nga jeta nëna ime e dashur, Kaliopi. Ajo ishte njeriu me i shtrenjtë dhe më e veçantë për mua dhe të gjithë familjen tonë.
Një jetë e gjatë, 92 vjet, plot dashuri, punë, përpjekje, përkushtim, kujdes, përkëdhelje, qortime e këshilla, forcë, guxim, urtësi, mençuri dhe edukim. Lumturi pafund na dhuroi të gjithëve ne, mua, vëllait dhe motrave të mija, nipërve dhe stërnipërve, mbesave dhe stërmbesave, të afërmve dhe miqve, që ishim gëzimi dhe kënaqësia më e madhe e saj.
Dhimbje dhe trishtim i thellë për të gjithë ne.
Lamtumirë nëna ime e dashur, më e mira në këtë bote!
U prehsh në paqe!”, shkruan politikani i njohur socialist nga zona e Sarandës.
Kujtojmë që e ndjera është përmendur në një rast dhe nga gjuha politike, për mirë, kur Fatos Nano, në fërkime me Angjelin në KPD-në e famshme të fundvitit 2001, do e përmendte atë si një nënë që e trajtonte si birin e saj sa herë ai e vizitonte në shtëpi si nënën e mikut.
Përcjellja për në banesën e fundit bëhet ditën e martë, 6 prill 2021, ora 10:30 në varrezat e qytetit të Sarandës.
Stafi i Sarandacity.al i shpreh ngushëllimet familjes Angjeli për humbjen e njeriut të tyre të dashur. /sarandacity.al/
