Arben Malaj, “imam” aty ku ishte deputet

Ish-deputeti e ish-ministri Arben Malaj ka pozuar në vendin e imamit në një prej xhamive më të vjetra e karakteristike të Shqipërisë, te Gjin Aleksi në Rusan të Delvinës. “Kushdo që shkon në Rusan, nuk mund të largohet pa e parë xhaminë e shekullit të XVI, e dyta në Ballkan për nga historia dhe bukuria”, shkruan ai, pasi aty, në atë fshat, ka takuar e u ka bërë një vizitë, prindërve të ish-kryebashkiakut demokrat të Delvinës, Dhurim Alinanit, ndërruar jetë pak vite më parë nga një atak kardiak.

Kur Alinani drejtonte qytetin e njohur të jugut, Malaj ishte deputet aty.

“Sot isha në një vizitë të vonuar tek prindërit e ish-kryetarit të Bëshkisë Delvinë nga PD,  Dhurim Alinanit, që fatkeqësisht vdiq në një moshë shumë të re, ishte vetëm 48 vjeç.

Kur vajta deputet në Delvine 2009-2013,  situata ishte e acaruar politikisht.

Shumë të papunë, bashkia kishte pak ose aspak të punësuar nga partitë e tjera politike.

Tatimorët e bashkisë dhe strukturat e tjera ushtronin presion mbi socialistët.

Pyeta dhe më thanë që Kryetari i Bashkisë, Dhurimi, ishte pozitiv, por ka presion nga partia. Në 2009, PD ishte në mandatin e dytë qeverisës.

Gjeta një mundësi komunikimi dhe Dhurimi më premtoi që do t’i zbuste tensionet. Gradualisht ashtu ndodhi.

Krijuam një respekt reciprok dhe komunikonim edhe kur unë nuk isha më deputet i Delvinës.

Përballë fatkeqësive, asnjëherë nuk ka ndarje partiake, por solidaritet njerëzorë maksimal”, shkruan ndër të tjera Arben Malaj. /sarandacity.al/