Arkeologjia dhe qytetaria sarandiote humb Kosta Lakon: kush qe ky personalitet

Është shuar Kosta Lako, një ndër figurat e njohura të Sarandës, si qytetar por më së shumti si arkeolog.

Ai lindi me 22 dhjetor 1949 në qytetin e Sarandës. Pasi mbaroi shkollën e mesme me rezultate të shkëlqyera, në vitin 1967 filloi studimet në Fakultetin Histori- Gjeografi në Tirane, ku i mbaroi në viti 1971.

Në janar 1972 fillon punën si mësues në shkollën e mesme “Hasan Tahsini”. Në tetor 1975 fillon punën në Muzeun Historik të rrethit. Më 1976 me krijimin e Bërthamës Arkeologjike të rrethit, kalon arkeolog.

Në vitet 1975-1976 drejton gërmimet arkeologjike në Butrint, sektori C.

Që nga viti 1976 drejton punimet pa ndërprerje në qendra të ndryshme arkeologjike, Butrint, Sarandë, Delvinë, Finiq, Shën Jan, Bajkaj.

Në janar 1981 deri në vitin 1995, emërohet bashkëpunëtor shkencor dhe përgjegjës i Berthames Arkeologjike Sarandë.

Ka mbrojtur disertacionin për gradën “Doktor Shkencash me temë: “Qyteti i Onhezmit në antikitetin e Vonë”.

Gjatë viteve 1991-1993 ka qenë anëtar i stafit të ekspeditës së përbashkët shqiptaro-greke të zhvilluar në Butrint.

Gjatë viteve 1998-2002 ka qenë bashkëdrejtues i ekspeditës shqiptaro-britanike në Butrint, ku ka drejtuar gërmimet e Pallatit Trikonkes Butrint.

Gjatë viteve 2003-2006 ka qenë bashkëdrejtues i Projektit të përbashkët shqiptaro-izraelit në germimet dhe studimin e plotë të Bazilikës-Sinagogës. Këto germime ishin nisur prej tij që në vitin 1980.

Nga viti 2001 është bashkëpunëtor në Projektin e ndërmarrë nga Departamenti i Antikitetit të Vonë dhe Mesjetës, “Ndërtimet e Kultit Kristian në Shqipërinë Jugore gjatë periudhës Paleokristiane dhe Bizantine”.

Ka qenë bashkëdrejtues i stafit për gërmimet dhe studimin e Bazilikës së Shen Janit dhe 40 Shenjtorëve.

Në vitin 1997 si shumë intelektuale emigroi në Greqi dhe punoi në Muzeun Arkeologjik të Akropolit deri ne vitin 2017 ku doli ne pension.

Ka botuar shumë artikuj shkencor brenda dhe jashtë vendit, ku ka pasqyruar me nivel shkencor punën dhe zbulimet e Tij në gërmime.

Ky qe Kosta Lako. /sarandacity.al/