Nën titullin fabulesk “Shah mat”, Arkiva Shqiptare kanë publikuar foton e një simultaneje shahu dikur nën komunizëm, madje, siç saktëson, në një shtëpi pushimi. Nga ç’kuptohet prej pamjeve, dimërore.
Dhe shpjegimi që i ka bërë lidhet me atë se dikur kishte shumë simultane të tilla, por që sot mungojnë pothuajse tërësisht.
“Shah mat!
Dikur shumë më popullor, por dinamika e jetës me sa duket na ka larguar nga ‘sporti i trurit’. Simultanet e shahut sot nuk i kemi aq të shpeshta si më parë, megjithatë kemi Kampionat Kombëtar që vazhdon traditën.
Fotografi të këtilla si kjo e mëposhtmja dikujt mund t’i rikujtojë ndonjë garë të shumë viteve më parë, ose filmin ‘Dy herë mat’, me batutat e shumta që ka.
Fotoja e fototekës së AQSh-së tregon një lojë në një kamp pushimi.
Po ju a luajtët gjatë verës, në plazh a diku tjetër? Fituat apo ju bënë mat?!”, përfundon teksti i Arkivës që shoqëron foton. /sarandacity.al/
