Armët e pamundura të një manastiri në Breg, si reagoi Kisha Orthodokse

Gjatë javës, ndër lajme të shumta prej atyre që “marrin dhenë në rrjete”, qe dhe ai mbi armë brenda nëj manastiri në Dhërmi.

Kësisoj, Policia u detyuar të futet në faltoren orthodokse, duke mos gjetur asnjë “armatim të rëndë” veç një çakmaku, gjithsesi në trajtë pistolete.

Për kërë reagoi dhe vetë Kisha Orthodokse.

“Së fundmi, dikush në rrjetet sociale, hodhi një ‘lajm’  për ‘njerëz të armatosur’ në manastirin ‘Burimi Jetëdhënës’ të Dhërmiut. Pas një kontrolli nga policia e Himarës, u deklarua se u gjet vetëm një çakmak në formë pistolete dhe se ‘Në vijim të kontrollit të ambienteve të tjera të manastirit nuk u konstatuan sende të jashtëligjshme apo persona të tjerë’, shkruan Kisha, e cila vijon duke thënë se kështu, me këto shpifje, cenohet dhe harmonia fetare.

“Shpifje të këtij lloji kundër Kishës dhe personave të saj nuk janë të reja në internet. E veçanta është se kësaj here iu kushtua një vëmendje e pajustifikuar.

Duhen falënderuar faqet e mediave që u treguan objektive, por gjithashtu nuk mund të mos vëmë në dukje se në disa prej tyre jo vetëm u botua kjo gënjeshtër si e mirëqenë, por iu shtuan edhe sajesa fantazioze për gjetje armësh e uniformash ushtarake, duke dëshmuar një qëndrim hapur tendencioz dhe antiorthodhoks, që cenon harmoninë aq të çmuar fetare”. /sarandacity.al/