Arrestim i bujshëm në Sarandë, shkak ky pallat

Romina Pulaj, 31 vjeçe, Kryeinspektore e IKMT-së në Sarandë është arrestuar nën akuzën e shpërdorimit të detyrës.

Shkak është pikërisht ky pallat në hyrje të qytetit, ndërtues i të cilit është 61-vjeçari Pando Papuçiu.

Sipas Prokurorisë së Sarandës, prej nga ka dalë urdhërarresti për të dy, ndërtimi 7-katësh ka qenë i paligjshëm.

E ndërsa e reja ka qenë në pranga, 61-vjeçari ndodhet në kërkim.

Njoftimi policor thotë:

 “Shërbimet e Komisariatit të Policisë Sarandë, në bashkëpunim me Drejtorinë Vendore të Policisë Vlorë, nën drejtimin e Prokurorisë pranë Gjykatës së Shkallës së Parë Sarandë, pas një pune hetimore 3-mujore, kanë bërë të mundur dokumentimin e plotë ligjor të aktivitetit të kundërligjshëm në fushën e ndertimeve në qytetin e Sarandës dhe kanë finalizuar me sukses operacionin policor të koduar ‘HESHTJA’,  në kuadër të të cilit u kap dhe u arrestuan në flagrancë shtetasja:

– R. P., 31 vjeçe, me detyrë kryeinspektore e Inspektoriatit Vendor të Mbrojtjes së Territorit pranë Bashkisë Sarandë.

Si dhe u shpall në kërkim shtetasi P. P., 66 vjeç, pasi ka ndërtuar në mënyrë të paligjshme një pallat 7-katesh (në ndërtim e sipër), në lagjen nr.1, në qytetin e Sarandës.

Materialet i kaluan për  veprime të mëtejshme Prokurorisë pranë Gjykatës së Shkallës së Parë Sarandë, për veprat penale ‘Shpërdorim i detyrës’ dhe  ‘Ndërtimi i paligjshëm’”. /sarandacity.al/