Spiro M., një shqiptar 60-vjeçar, u dërgua për në burgun Korydallos, pasi në mesnatën e 7 prillit, dyshohet se i hoqi aparatin respirator 76-vjeçarit me inicialet E. S, i cili ishte i intubuar me koronavirus, e kjo për shkak se ndihej i shqetësuar nga zhurma e aparatit, duke shkaktuar kështu vdekjen e tij.
Kryerësi i dyshuar i kësaj vepre, 60-vjeçari shqiptar, pasi u rikuperua nga COVID-i, u caktua në paraburgim.
Sipas informacionit, mësohet se shqiptari këmbënguli në versionin e tij origjinal se nuk ka asnjë lidhje me çështjen; ai tha se ishte në gjumë dhe nuk e kuptonte se çfarë ndodhi, megjithatë ai nuk mund të jepte shpjegime bindëse se si u gjetën gjurmët e gishtave të tij në pajisjen mbështetëse të respiratorit të hequr, gjë që rezultoi në vdekjen mbytëse të pacientit 76-vjeçar.
Kontrolluesit mjekësorë, të cilët kryen nekopsinë – autopsia, sipas informacionit, zbuluan se viktima kishte pneumoni. Ata nuk zbuluan dëmtime në trupin e tij, ndërsa u morën mostra për ekzaminime histologjike dhe toksikologjike. /sarandacity.al/
