Avokati i njohur Maks Haxhia, mbrojtës i ish-ministrit Saimir Tahiri, ka hedhur akuza të forta ndaj GJKKO-së pas vendimit për dënimin e klientit të tij me 3 vite e 4 muaj burg.
Sipas tij, vendimi ishte skandaloz.
“Ishte një vendim skandaloz. Në këtë vend dy gjëra dihen që janë të sigurta: lindja dhe vdekja. Nëse vendimi do të kënaqë opinion shqiptar, le të quhet i përmbushur. Kjo gjykatë bëri atë që s’mund të bëhej, për shkak se la të njëjtin vendim me atë të Shkallës së Parë, por hoqi nenin 59. Ky nen s’ka të bëjë me dënimin, por është formë e vuajtjes së dënimit. Kjo ishte një kënaqje e pushtetit.
Kur flas për kënaqje, flas për misionin që ka marrë përsipër drjetësia. Shpërdorimi i detyrës nuk është në juridiksionin e kësaj gjykate. Dënimi me 3 vite e 4 muaj ishte i papritur, por ishte edhe ‘non sens’ që t’i hiqej pezullimi. Nuk e dimë sesi do ta justifikojë gjykata vendimin për heqjen e pezullimit. Gjykata dhe ata që iniciuan këto procese, i tremben pafajësisë në Gjykatën e Lartë.
Sot Saimir Tahiri i kishte të gjitha mundësitë që të mos vinte, por ai insistoi dhe e tregoi këto pesë ditë që ka qenë në shërbim të drjetësisë. Për rekursin presim vendimin e arsyetuar. Ne do të përgatisim edhe argumentat për rekurs”, tha avokati Haxhia. /tesheshi.com/
