Piloti grek Babis Anagnostopoulos, i cili një vit më parë do të trondiste opinionin vendas duke vrarë me gjakftohtësi bashkëshorten e tij 20-vjeçare Caroline Crouch, në vilën e tyre luksoze në rrethinat e Athinës, tashmë po vuan jo vetëm burgun por dhe telashet e tij.
Mediat raportojnë se Babis është sulmuar në burgun Koridhalos, ku po vuan dënimin, nga një i burgosur gjeorgjian dhe për këtë arsye është transferuar në Malandrino, i cili njihet ndryshe si “Alkatrazi” grek.
Por aty i ka rënë në hise një vrasës shqiptar e për këtë arsye piloti dhe avokati i tij janë të shqetësuar për sigurinë e jetës. Kjo pasi u trembet “kontratave” për eliminimin e tij që mund të vijnë nga gangsterët e botës së krimit.
Babai i Caroline-s, David i cili jeton me gruan dhe mbesën e tij në Alonissos, tha për Daily Mail: “Duket se ai nuk është i kënaqur me strehimin e tij të ri dhe dëshiron të transferohet përsëri në burgun e Korydallosit ku do të ndihej më i sigurt. Ai beson se ka të paktën një, por ndoshta më shumë kontrata vdekjeje në emrin e tij. Unë mendoj se njerëzit me të cilët ishte i përfshirë para se të vriste vajzën duan t’ia mbyllin gojën…”
David theksoi se ai duhet të vuajë për të paktën dy vite, përpara se mund ta “heqin qafe.”
Sa i përket mbesës së tyre, Lidia, gjyshi i saj tregon se vogëlushja vrapon nëpër shtëpi dhe ka një marrëdhënie shumë të ngushtë me nënën e Caroline-s.
“Është shumë e bukur ta shohës. Më vjen keq që Caroline ime e dashur nuk është këtu për ta parë. Kjo është një nga arsyet që unë do të bëj gjithçka që mundem që Babis të mos e shohë përsëri vajzën e tij.”
Kujtojmë se ngjarja tronditi Greqinë për javë me radhës, pasi fillimisht, Babisi e serviri si një grabitje në vilën e tyre, për shkak të të cilës u vra bashkëshortja e tij. Por hetimet nxorrën se autori qe vetë ai. /tesheshi.com/
