Basha u përball me një tjetër zemërim berishist para një takimi me gra demokrate në Tiranë, pasi u tentua të qëllohet me vezë e sigurisht iu lëshuan sharje nga më të rëndat.
“Nuk e shpërfill dot gjuhën e urrejtjes ndaj grave. Iu them ndalni sa nuk jeni vonë. Jua them qetësisht por vendosmërisht: ndaluni sa nuk jeni vonë. Harrojeni se jua fal gjuhën e urrejtjes ndaj grave demokrate”, tha më pas Basha në takim.
“Dua ta vë theksin edhe njëherë tek ajo që kemi vendosur të gjithë bashkë: kemi vendosur të zgjedhim të ardhmen”, shtoi ai.
Ai vijoi duke thënë se “si është PD sot, do të jetë Shqipëria nesër dhe ku ju shoh kështu e di që Shqipëria nesër do të jetë e fortë dhe e bukur. Ky është mesazhi që marr unë me vete nga ky takim i mrekullueshëm”. /tesheshi.com/
