Bashkëbisedim në tre shkolla të Delvinës: Si t’i themi “Jo” narkotikëve

Në Delvinë, Policia e aktorë të tjerë lokalë, lkanë bashkabiseduar me nxënës e stafe të tre shkollave të qytetit në funksion të ndërgjegjësimit mbi refuzimin që u duhet bërë lëndëve narkotike.

Në një deklaratë zyrtare thuhet:

“Takime sensibilizuese mbi përdorimin e lëndëve narkotike, në shkollat 9-vjeçare ‘Kosto Çavo’, ‘Xhelal Berberi’ dhe në shkollën e mesme ‘Sulejman Delvina’, me pjesëmarrjen e drejtorëve të shkollave, mësuesve dhe nxënësve, shefit të Komisariatit Delvinë, nënprefektit, nënkryetarit të Bashkisë, SPZ dhe punonjësve të policisë.

Diskutimi në shkolla u fokusua kryesisht mbi rreziqet që paraqet përdorimi i lëndëve narkotike në adoleshencë, pasojat e rënda në shëndet dhe në komunitet.

Gjatë diskutimit, iu kërkua nxënësve, stafit mësimor dhe oficerit të sigurisë, që të rrisin përgjegjësinë kolektive dhe të bashkëpunojnë më shumë me Komisariatin e Policisë Delvinë, për të denoncuar çdo rast që konstatohet, me qëllim parandalimin dhe goditjen e përdorimit të lëndëve narkotike”. /sarandacity.al/