Bashkia Himarë po ofron një risi në shërbimet e saj edukative. Ajo zhvilloi takimin me fëmijët e kopshtittë qytetit për t’u njohur me legjendën e sjellë në formën e filmit vizatimor “Besa e Doruntinës”.
“Besa e Doruntinës” sjell legjendën e njohur në një version parë nga këndvështrimi i barazisë gjinore.
Përrallat, legjendat, gojëdhënat janë shndërruar e ndryshuar ndër shekuj, teksa janë përcjellë nga njëri brez në tjetrin, duke reflektuar shkallën e emancipimit të shoqërisë dhe frymën e kohës në të cilën janë trajuar apo shkruar.
Besa është parë ndër shekuj si një virtyt i burrave e djemve, por besa ështëdhe virtyt i grave, vajzave, burrave dhe djemve, pra është një virtyt mbarëgjinor.
Një vajzë si Doruntina jep besën dhe e mban atë, sepse në shekullin e 21-të, asgjë nuk e pengon gruan dhe vajzën të tejkalojë çdo sfidë e vështirësi që i del përpara.
“Besa e Doruntines” është përgatitur nga #PNUD si pjesë e Programit të Përbashkët të OKB-së ‘T’i Japin Fund Dhunës ndaj Grave në Shqipëri,’ financuar nga Qeveria e Suedisë (Embassy of Sweden in Tirana). /sarandacity.al/
